पादरी को प्रवचन र लाठी

एक पादरी प्रवचन दिंदैथियो ,"कसैले तिमिलाइ एउटा गाला मा थप्पड मार्यो भने अर्को गाला थाप्नु किनकी यो प्रभु को आदेश हो र प्रभुको आदेश मान्नु अनुयायी को कर्तव्य हो।" एक युवक सरासर पादरी को नजिक पुग्यो र दाहिने गाला मा बेस्करी एक थप्पड मार्यो। पादरीलाइ खुब रिस उठ्यो तर भर्खर को प्रवचन सम्झ्यो , आफ्नो रिसलाइ दबाउँदै पादरी ले अर्को गाला थाप्यो , युवक ले अर्को गाला मा पनि थप्पड मार्यो अब भने पादरी लाइ खुब झोंक चल्यो ,भाँड मा जाओस प्रभुको आदेश , पादरी ले आफ्नो डन्डा उठायो र मजाले त्यो युवक लाइ पिट्न थाल्यो। भक्तजनहरु अवाक थिए , युवक माथिको पिटाइ सकिएपछि एक बुज्रुक ले पादरी लाइ सोध्यो, "पादरी भएर पनि प्रभुको आदेश विपरित यो युवक लाइ किन पिट्नुभयो ?" पादरी ले भन्यो , "प्रभुको आदेश अनुसार र बाइबल को भनाइ अनुसार कसैले एउटा गाला मा थप्पड मार्यो भने अर्को गाला मा थाप्नुपर्छ तर अर्को गाला मा पनि थप्पड हान्यो भने के गर्ने भन्ने बारे केहि भनिएको छैन त्यसैले अर्को गाला मा पनि थप्पड हान्यो भने के गर्ने भन्ने स्वतन्त्रता मेरो हो ।"