पश्चिमिहरु को अन्ध नक्कल मुर्खता को पराकाष्ठ

पश्चिमिहरुको अन्ध नक्कल गरेर आधुनिक भै टोपलिने मुर्खतापुर्ण प्रवृती को अर्को उदाहरण हो विवाह को समारोह मा जन्तिको अगाडी बजाइने ब्यान्डबाजा । ब्यान्डबाजा को प्रचलन कसरी शुरुभयो र यहाँ कसरी छाउन थाल्यो ? शायद यो धेरैलाइ थाहा नहोला । यसलाइ बुझ्ने चेष्टा गरौं । युरोपिय संस्कृती मा कुनै राजा ले अर्को देशमा आक्रमण गर्नुपर्यो भने सेनाको साथ मा ब्यान्डबाजा को टोलि लाइ पनि पठाउँथ्यो , ब्यान्डबाजा को टोलि सेनाको अघि अघि बान्ड बजाउदै अघि लाग्थे , बाजाको धुन ले सेनाहरु उत्साहपुर्वक र एकाग्रतापुर्वक युद्ध मैदान मा लडछन भन्ने विश्वास गरिन्थ्यो । जब अंग्रेजहरु भारत छिरे र सेनाको पहिलो डफ्फा लाइ भारत मा प्रवेश गरायो , अंग्रेजले सेनाको साथ मा ब्यान्डबाजा को डफ्फालाइ पनि सेनाको अघि लगाएर भित्राएको थियो। अंग्रेज ले भारत को विभिन्न राज्यहरु मा आक्रमण गर्दा पनि यसरी नै सेना को अघि ब्यान्डबाजा को टोलि लाइ अघि लगाएर आक्रमण गर्थ्यो । अंग्रेज ले भारत छोडेपछि आफुलाइ आवश्यक र बहुमुल्य चिजहरु आफुसँगै लगे (जस्तै कोहिनुर हिरा ) तर पुर्विय संस्कृती लाइ भ्रष्ट्र र तहसनहस पार्ने चिजहरु छोडेर गए , यस्तैमा एक थियो ब्यान्डबाजा। त्यो भन्दा अघि भारत र नेपाल मा विवाह समारोह को लागी आफ्नै मौलिक बाजा थियो जस्तै शहनाइ , अंग्रेजले भारत छोडेपछि आक्रमण मा सेनाको अघि लाग्ने ब्यान्डबाजा विवाह समारोह मा दुलाहा अगाडी अघि लाग्ने काम मा प्रयोग हुन थाल्यो । भारत हुँदै यो संस्कृती नेपाल मा पनि भित्रियो। ताज्जुब त तब लाग्छ जब वैदिक रितिरिवाज अनुसार हुने विवाह मा समेत ब्यान्डबाजा को प्रयोग हुन्छ जबकि अंग्रेज ले वैदिक संस्कृती लाइ छिन्नबिन्न पार्नको लागी नै ब्यान्डबाजा लाइ छोडेर गएको थियो।हामी एतिहासिक तथ्य नबुझी ब्यान्डबाजा को उपयोग गर्दैछौं ,अंग्रेजले भारत छोडेको यत्रो वर्षसम्म पनि हाम्रो खप्पर मा ब्यान्ड बजाइराछ भन्ने कुराको प्रमाण हो यो। यसर्थ तपाइ कोहि सनातनी हुनुहुन्छ र तपाइको कोहि आफन्त, साथिभाइ को विवाह को जन्ति अगाडी ब्यान्डबाजा बजाइएको छ भने दुलाहा लाइ एकपटक अवश्य सोध्नुहोला - "कसलाइ आक्रमण गर्न जान हिंडेको?"